گورنر گلگت بلتستان کی چلاس میں ایف سی کے اہلکار پر دہشت گردانہ حملے کی شدید الفاظ میں مذمت

 گورنر گلگت بلتستان سید مہدی شاہ نے چلاس میں ایف سی کے اہلکار پر دہشت گردانہ حملے کی شدید الفاظ میں مذمت کی ہے ۔اپنے بیان میں گورنر گلگت بلتستان سید مہدی شاہ نے کہا ہے کہ ایف سی اہلکار کی شہادت پر دلی افسوس ہوا ہے، گلگت بلتستان جیسے پر امن علاقے میں سیکیورٹی اہلکار پر حملہ انتہائی تشویشناک واقعہ ہے، صوبائی حکومت جلد قاتل کو گرفتار کرکے قرار واقعی سزا دلائے گی۔پاکستان کئی دہائیوں سے دہشتگردوں سے نبرد آزما ہے اور افواج پاکستان کے بہادر جوان، پولیس، رینجرز، ایف سی اور لیوی فورس کے اہلکار اس وطن کی خاطر اپنی جانوں کا نزرانہ پیش کررہے ہیں ۔ سید مہدی شاہ نے شہید ہونے والے اہلکار کو خراجِ عقیدت اور اہلِ خانہ سے دلی تعزیت کا اظہارکیا۔گورنر گلگت بلتستان نے کہا کہ دہشت گردی کے بزدلانہ حملے قوم کے حوصلے پست نہیں کر سکتے ،ریاست دہشت گردوں اور اُن کے سہولت کاروں کو کیفرِ کردار تک پہنچا کر دم لے گی ۔