اسلام آباد : پاکستان پیپلزپارٹی کے چیئرمین بلاول بھٹو کا کہنا ہے کہ پیپلزپارٹی ملٹری کورٹس کے حق میں نہیں، حکومت چاہتی ہے تو ملٹری کورٹس پراتفاق رائے پیدا کرے۔
تفصیلات کے مطابق چیئرمین پاکستان پیپلزپارٹی بلاول بھٹو زرداری نے خصوصی گفتگو کرتے ہوئے کہا کہ پیپلزپارٹی ملٹری کورٹس کےحق میں نہیں، سویلین کے ملٹری ٹرائل سے متعلق 2 تجاویز ڈرافٹ میں شامل تھیں، ایک تجویز تھی ملٹری انسٹالیشن پرحملہ کرنےوالوں کاٹرائل ملٹری کورٹس میں ہونا چاہیے۔
چیئرمین پی پی نے بتایا کہ جےیوآئی کےمؤقف بھی سنا اور حکومت آرٹیکل 8 میں ترمیم چاہتی تھی تو پیچھے ہٹے، میری پارٹی کامؤقف تھااس وقت آئین کےآرٹیکل8 میں ترمیم کایہ وقت درست نہیں
ان کا کہنا تھا کہ حکومت ملٹری کورٹس کا ہونا سمجھتی ہے تو اتفاق رائے پیدا کرے اور ترمیمی ڈرافٹ لائے۔
رکن اسمبلی نے کہا کہ بانی پی ٹی آئی سےمتعلق نومئی کے ثبوت ہیں تو حکومت سامنےلائے اور قانونی طور پر اس کو آگے لیکر جائے۔ بانی پی ٹی آئی کی ملٹری کورٹس میں پیشی سے متعلق آئینی ترمیم کےبغیر آگے نہیں جاسکتے۔
ان کا مزید کہنا تھا کہ ملٹری کورٹس سے متعلق عدالت کافیصلہ موجود ہے۔ کوئی ذاتی نظام نہیں بنانا چاہتے جو کسی کورول ان یارول آؤٹ کرتے ہیں۔
