پاکستان ویمن کرکٹ ٹیم کی سابق کپتان ندا ڈار کا پالتو کتا گوجرانوالہ میں چوری ہوگیا۔رپورٹس کے مطابق سابق کپتان ندا ڈار کا اس حوالے سے کہنا تھا کہ نامعلوم چور میرے گھر کے باہر سے کتا اٹھا کر لے گئے۔ پولیس کا مؤقف ہے کہ کتے کی تلاش جاری ہے۔
واضح رہے کہ چند ماہ قبل ویمن ٹیم کی سابق کپتان ذہنی مسائل کا شکار ہو گئی تھیں، سوشل میڈیا پر ایک پیغام شیئر کرتے ہوئے ان کا کہنا تھا کہ انہوں نے مینٹل ہیلتھ کے ایشو پر کرکٹ سے بریک لے لیا ہے۔سابق کپتان کا کہنا تھا کہ پچھلے کچھ عرصے میں میری ذات اور پروفیشن کے حوالے سے بہت کچھ ہوا، ان معاملات کی وجہ سے میری ذہنی صحت پر بہت اثر پڑا ہے۔ان کا اپنے بیان میں کہنا تھا کہ اس وجہ سے میں کرکٹ سے بریک لے رہی ہوں تاکہ اپنے اوپر فوکس کرسکوں، میری پرائیویسی کا خیال رکھنے کی درخواست ہے۔
