ضلع گلگت
سپریم اپیلیٹ کورٹ گلگت بلتستان میں موسمِ بہار کی شجرکاری مہم کا باقاعدہ آغاز کر دیا گیا
سپریم اپیلیٹ کورٹ گلگت بلتستان میں موسمِ بہار کی شجرکاری مہم کا باقاعدہ آغاز کر دیا گیا۔ اس موقع پر چیف جسٹس سردار محمد شمیم خان نے عدالتِ عالیہ کے احاطے میں پودا لگا کر مہم کا افتتاح کیا۔تقریب کے دوران رجسٹرار سپریم اپیلیٹ کورٹ عاقل حسن چوہان، افسران اور دیگر عملہ بھی موجود تھے۔چیف جسٹس نے اس موقع پر خطاب کرتے ہوئے شجرکاری کی اہمیت پر زور دیا اور کہا کہ درخت لگانا نہ صرف قومی فریضہ ہے بلکہ ملک کے محفوظ اور پائیدار مستقبل کے لیے ناگزیر ہے۔انہوں نے مزید کہا کہ شجرکاری کے ذریعے نہ صرف ماحولیاتی آلودگی میں کمی لائی جا سکتی ہے بلکہ یہ عمل موسمیاتی تبدیلی کے منفی اثرات کو کم کرنے اور عوامی صحت کے فروغ میں بھی اہم کردار ادا کرتا ہے
