یف سیکرٹری گلگت بلتستان ابرار احمد مرزا کی زیر صدارت ٹائم اسکیل پروموشن کے حوالے سے ایک اہم اجلاس منعقد ہواجس میں سیکرٹری سروسز عثمان احمد نے ٹائم اسکیل پروموشن سے متعلق امور پر تفصیلی بریفنگ دی۔ اجلاس میں تمام محکموں کے سیکریٹریز نے اپنے اپنے محکموں میں ٹائم اسکیل پروموشن سے متعلق زیر التوا کیسز کے بارے میں چیف سیکریٹری کو آگاہ کیا۔
اس موقع پر چیف سیکریٹری گلگت بلتستان نے ہدایت کی کہ تمام محکموں میں ٹائم سکیل پروموشن کے پینڈنگ کیسز ترجیحی بنیادوں پر حل کئے جائیں ۔چیف سیکریٹری نے متعلقہ سیکریٹریز کو ہدایت کی کہ مجوزہ پالیسی کے تحت ٹائم اسکیل پروموشن کے تمام کیسز نمٹائے جائیں تاکہ طویل عرصے سے زیر التوا معاملات کو موثر انداز میں حل کیا جا سکے۔
اجلاس کے دوران چیف سیکریٹری گلگت بلتستان نے تمام محکموں کو بایومیٹرک حاضری کے نظام کو ہر صورت یقینی بنانے کی ہدایت کی۔
انہوں نے اس بات پر زور دیا کہ بی اے ایس (BAS) نظام کو مزید موثر اور بہتر بنایا جائے تاکہ نظم و ضبط اور شفافیت کو فروغ دیا جا سکے۔چیف سیکریٹری گلگت بلتستان نے واضح کیا کہ سرکاری امور میں شفافیت، بروقت فیصلے اور جدید نظام کا نفاذ حکومت کی اولین ترجیحات میں شامل ہے، اور اس ضمن میں کسی قسم کی کوتاہی برداشت نہیں کی جائے گی ۔
