پاک فوج کا خیبرپختونخوا، گلگت کے بارشوں، سیلاب اور کلاؤڈ برسٹ سے متاثرہ علاقوں میں ریلیف آپریشن

پاک فوج کا خیبرپختونخوا اور گلگت بلتستان کے شدید بارشوں، سیلاب اور کلاؤڈ برسٹ سے متاثرہ علاقوں میں ریلیف اذپریشن ہفتہ کو بھی جاری رہا، بونیر، سوات اور باجوڑ میں پاک فوج کی ٹیمیں امدادی سرگرمیوں میں مصروف رہیں۔میڈیا رپورٹ کے مطابق رپورٹ کے مطابق بونیر، سوات اور باجوڑ میں پاک فوج / فرنٹیئر کور کا فلڈ ریلیف آپریشن جاری رہا، پاک فوج کی ٹیمیں سیلاب سے متاثرہ اضلاع میں امدادی سرگرمیوں میں مصروف رہیں۔حکام نے بتایا کہ پاک فوج کے ہیلی کاپٹرز کے ذریعے سیلاب متاثرین کو راشن اور دیگر سامان مہیا کیا گیا اور سیلاب زدہ علاقوں سے لوگوں کو محفوظ مقامات پر منتقل کرنے کا کام بھی جاری رہا۔حکام کے مطابق پاک فوج کے مزید دستے بھی ریلیف آپریشن میں حصہ لینے کیلئے روانہ کردیئے گئے ہیں، تمام متاثرہ افراد کو بحفاظت ریسکیو کرنے اور محفوظ مقامات پر منتقل کرنے تک آپریشن جاری رہے گا۔گلگت بلتستان کے ضلع غذر میں پاک فوج کا ریسکیو آپریشن مسلسل جاری رہا، حالیہ شدید سیلاب کے نتیجے میں گاؤں خلتی، ضلع غذر کے 11 خاندان شدید متاثر ہوئے۔16 اگست 2025ئکو گاؤں گامیس میں 11 عارضی ٹینٹوں پر مشتمل ولیج قائم کیا گیا ہے، عارضی ٹینٹ ولیج میں متاثرہ خاندانوں کے لیے رہائش ، کھانے پینے اور علاج معالجے کا بندوبست کیا گیا۔اس مشکل گھڑی میں پاک فوج نے ہمیشہ کی طرح اپنے عوام کے شانہ بشانہ کھڑے ہو کر بھرپور کردار ادا کیا، پاک فوج ،سول انتظامیہ اور جی بی ڈی ایم اے کی جانب سے متاثرہ خاندانوں میں ریلیف پیکجز تقسیم کیے گئے۔