وائس چانسلرقراقرم انٹرنیشنل یونیورسٹی کی زیر صدارت اکیڈمک پلاننگ کا اعلیٰ سطحی اجلاس
قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ کی زیر صدارت اکیڈمک پلاننگ کا اعلیٰ سطحی اجلاس منعقدہوا۔ اجلاس میں ڈینز، ڈائریکٹر ز اور مختلف شعبہ جات کے سربراہان نے شرکت کی اور وائس چانسلر کے ہمراہ اہم اکیڈمک امور کا جامع جائزہ لیاجن میں جاری سمسٹر بہار کے پروموشنز اور رجسٹریشن کے عمل، بہار 2026 سمسٹر کے لیے تفصیلی اکیڈمک پلاننگ اور تیاریاں، فرسٹ سمسٹرکے طلبہ کے امتحانات کے انتظامات اور شیڈولنگ، بی ایس پانچواں سمسٹر کے داخلے کی موجودہ صورتحال اور پیش رفت شامل تھی۔ان امور پر تفصیلی تبادلہ خیال کا بنیادی مقصد یونیورسٹی میں ہموار اکیڈمک آپریشنز کو یقینی بنانا، طلبہ کی بروقت رجسٹریشن، امتحانات کا موثر انعقاد اور بڑھتے ہوئےداخلہ کو دیکھتے ہوئے داخلہ کے عمل کو مزید بہتر بنانا تھا۔
اجلاس کے دوران پروفیسر ڈاکٹر عطاء اللہ شاہ نے بدلتی ہوئی تعلیمی ضروریات کے مطابق یونیورسٹی کی سرگرمیوں کو ہم آہنگ کرنے کے لیے اسٹریٹجک پلاننگ کی اہمیت پر زور دیتے ہوئے تمام شعبہ جات کو ہدایات دیں کہ اجلاس میں کیے گئے فیصلوں کو فوری طور پر نافذ کیا جائے تاکہ سمسٹر کے شیڈولز کی بلا روک ٹوک تکمیل ممکن ہو سکے۔وائس چانسلر نے مزید کہاکہ سمسٹر بہار 2026 کے شروع ہونے کے ساتھ یہ فعال اکیڈمک پلاننگ اجلاس جامعہ قراقرم کی تدریس، سیکھنے اور انتظامی کارکردگی میں برتری کے عزم کی عکاسی ہےجس کی جتنی تعریف کی جائے کم ہے۔
