ریسکیو 1122 گلگت کی جانب سے نواحی علاقہ جلال آباد میں گورنمنٹ بوائز سکول کے طلباء اور جلال آباد یوتھ کے لیے ابتدائی طبی امداد اور فائر سیفٹی سے متعلق خصوصی تربیتی سیشن کا انعقاد کیا گیا۔
تربیت کے دوران شرکاء کو ابتدائی طبی امداد،فائر سیفٹی اور آگ بجھانے کے جدید طریقے، فائر ایکسٹینگوشر کا درست استعمال،ایمرجنسی رسپانس کے اصول اور رسی کے ذریعے محفوظ انداز میں اترائی اور ریسکیو تکنیک کے حوالے سے عملی مشقیں کروائی گئیں تاکہ کسی بھی ہنگامی صورتحال میں فوری اور مؤثر کارروائی کرتے ہوئے جانی و مالی نقصان کو کم سے کم کیا جا سکے۔شرکاء نے تربیتی سرگرمیوں میں بھرپور دلچسپی کا مظاہرہ کیا اور اس اقدام کو نہایت مفید اور وقت کی اہم ضرورت قرار دیا۔
