سابق وزیر اعلی و صدر مسلم لیگ ن گلگت بلتستان حافظ حفیظ الرحمن نے کہا ہے کہ اسلام آباد کے مضافاتی علاقے ترلائی میں مسجد کے دروازے میں دہشتگردوں کی طرف خودکش حملے میں معصوم نمازیوں کی شہادت پر دل رنجیدہ ہے،بزدلانہ حملے کی جتنی مزمت کی جائے کم ہے ۔
جاری بیان میں حافظ حفیظ الرحمن نے شہدا کے لواحقین سے دلی تعزیت کا اظہار جبکہ زخمیوں کیلئے جلد صحت یابی کی دعاء کرتے ہوئے کہاکہ دہشت گرد پے درپے شکست کے بعد اوچھے ہتھکنڈوں پہ اتر آئے ہیں، دہشت گردی کے یہ بزدلانہ واقعات قوم کے حوصلے کم نہیں کرسکتے ہیں،ایسے واقعات سے پوری قوم میں دہشت گردوں سے نفرت میں اضافہ ہو رہا ہے۔انہوںنے کہاکہ بحیثیت قوم دہشت گردی کو شکست دینے کیلئے سیکیورٹی اداروں کی پشت پر کھڑے ہیں اور دعا گو ہیںکہ رب العالمین ہمارے وطن کو ہر قسم کی شر پسندی، دہشت گردی سے محفوظ رکھے۔ آمین ۔
