گلگت: تھانہ ایئرپورٹ پولیس کی بڑی کارروائی، مختلف مقدمات میں مطلوب ملزم گرفتار، لاکھوں روپے مالیت کا مسروقہ سامان برآمد
ضلعی پولیس گلگت نے ایک کامیاب کارروائی کے دوران مختلف مقدمات میں مطلوب ملزم کو گرفتار کر کے لاکھوں روپے مالیت کا مسروقہ سامان برآمد کر لیا۔تفصیلات کے مطابق ایس ڈی پی او سٹی سرکل گلگت خدیجہ طاہر کی سربراہی میں ایس ایچ او تھانہ ایئرپورٹ گلگت محمد آمین اور پولیس ٹیم نے کارروائی کرتے ہوئے ملزم صدام حسین ولد گلباز سکنہ کشروٹ گلگت کو گرفتار کیا۔ملزم تھانہ ایئرپورٹ گلگت میں درج مقدمات علت نمبر 128، 130، 133 اور 135/025 بجرائم 380 اور 457 تعزیراتِ پاکستان میں مطلوب تھا۔پولیس کے مطابق دورانِ تفتیش ملزم کے قبضے سے چار لاکھ روپے نقدی، تین عدد ایئر کنڈیشنرز، ایک لیپ ٹاپ، ایک ایل ای ڈی، مختلف زیورات اور دو عدد پستول برآمد کیے گئے، جن کی مجموعی مالیت لاکھوں روپے بتائی جاتی ہے۔ڈسٹرکٹ پولیس آفیسر گلگت اسحاق حسین (پی ایس پی) نے تھانہ ایئرپورٹ پولیس کی اس کامیاب کارروائی کو سراہتے ہوئے پولیس ٹیم کو شاباش دی اور جرائم پیشہ عناصر کے خلاف کارروائیوں کو مزید تیز اور مؤثر بنانے کی ہدایات جاری کیں۔\378
