کراچی: پاکستان کرکٹ بورڈ (پی سی بی) نے پاکستانی کرکٹر حیدر علی کی عبوری معطلی کو ختم کردیا ہے، کرکٹر ستمبر میں مانچسٹر میں زیادتی کے الزامات سے بری ہونے کے بعد سے کسی مقابلہ جاتی کرکٹ میں حصہ نہیں لے پا رہے تھے۔پی سی بی نے تصدیق کی ہے کہ حیدر علی کو بی پی ایل میں شرکت کے لیے این او سی جاری کر دیا گیا ہے۔
اس کے علاوہ بی پی ایل کے لیے محمد نواز، ابرار احمد، صاحبزادہ فرحان، فہیم اشرف، حسین طلعت، خواجہ نافے اور احسان اللہ کو بھی اجازت نامے جاری کردیئے گئے ہیں۔حیدر علی پاکستان کی جانب سے 35 ٹی 20 اور 2 ون ڈے کھیل چکے ہیں۔ وہ پاکستان شاہینز اسکواڈ کے ساتھ انگلینڈ کے دورے پر تھے جب مانچسٹر کی ایک برطانوی نژاد پاکستانی خاتون نے مقامی پولیس میں ان کے خلاف زیادتی کا کیس رجسٹرڈ کرایا تھا۔
پاکستان کرکٹ بورڈ نے معاملے کی تحقیقات مکمل ہونے تک کرکٹر کو معطل کر دیا تھا۔مانچسٹر پولیس نے 25 ستمبر کو کیس خارج کرتے ہوئے کہا کہ انہیں عدالت میں مقدمہ بھیجنے کے لیے کافی شواہد نہیں موصول نہیں ہوئے۔
