محکمہ صحت گلگت بلتستان اور شفا انٹرنیشنل ہسپتال اسلام آباد کے درمیان معاہدے پر دستخط

محکمہ صحت گلگت بلتستان اور شفا انٹرنیشنل ہسپتال اسلام آباد کے درمیان معاہدے پر دستخط ہوگئے جس کے تحت گلگت بلتستان کے ہسپتالوں میں خدمات انجام دینے والے نرسنگ اور پیرا میڈیکل عملے کے لیے جدید خطوط پر تربیتی اور ریفریشر کورسز کا انعقاد کیا جائے گا۔

صوبائی حکومت کی جانب سے عوام کو صحت کی بہترین سہولیات تک فوری رسائی دینے اور ہسپتالوں میں موجود نرسنگ اور پیرامیڈیکل سٹاف کومطلوبہ تربیت فراہم کرنے کیلئے یہ اقدام انتہائی اہم قرار دیا جا رہا ہے ۔سیکریٹری صحت گلگت بلتستان آصف اللہ خان نے حکومت گلگت بلتستان کی جانب سے اس معاہدے پر دستخط کئے ۔ یہ شراکت صحت کے نظام کو مزید مضبوط بنانے اور عملے کی پیشہ ورانہ صلاحیتوں میں اضافہ کرنے میں مددگار ثابت ہوگی۔