وزیراعلیٰ گلگت بلتستان کی زیرصدارت اجلاس،دیامر بھاشا ڈیم کے متاثرین کی بحالی اور ڈیم کمیٹی کے ساتھ طے پانے والے معاہدے پر عملدرآمد کے حوالے سےتبادلہ خیال

وزیراعلیٰ گلگت بلتستان حاجی گلبر خان کی زیرصدارت دیامر بھاشا ڈیم کے متاثرین کی بحالی اور ڈیم کمیٹی کے ساتھ طے پانے والے معاہدے پر عملدرآمد کے حوالے سےاجلاس منعقد ہوا۔ وزیر اعلیٰ نے اس موقع پر مسنگ چولہا کی ادائیگیوں کے حوالے سے بھی طریقہ کار کو شفاف اور بہتر بنانے کی منظوری دی۔اجلاس میں صوبائی سیکرٹری داخلہ، کمشنر دیامر/ استور ڈویژن اور ڈیم کمیٹی کے ممبران نے شرکت کی۔ اس موقع پر گفتگو کرتے ہوئے وزیراعلی نے کہا کہ گزشتہ دنوں اعلیٰ سطحی اجلاس میں دیامر بھاشا ڈیم متاثرین کے تمام جائز مطالبات حل کرنے اور معاہدے پر من و عن عملدرآمد کی یقین دہانی کرائی گئی ہے۔ وزیر اعلیٰ نے کہا کہ دیامر کے عوام نے ملک کی خوشحالی اور تعمیر و ترقی کیلئے جو قربانی دی ہے اس کی مثال نہیں ملتی۔