الیکشن کمیشن گلگت بلتستان نے جی بی اسمبلی کے انتخابات کو صاف شفاف بنانے کیلئے حکومت کے اختیارات کو محدود کردئیے
الیکشن کمیشن گلگت بلتستان نے علاقے میں ہونے والے جی بی اسمبلی کے انتخابات کو صاف شفاف بنانے کیلئے صوبائی حکومت کے اختیارات کو محدود کردئیے ۔تفصیلا ت کے مطابق الیکشن کمیشن گلگت بلتستان راجہ شہبازخان نے الیکشن ایکٹ2017کے سیکشن چھ سیکشن پانچ اور چار کے تحت حکومت کے اختیارات محدود کردئیے ہیں تاکہ گلگت بلتستان کے آنے والے الیکشن میں کسی قسم کا کوئی سوال نہ اٹھ سکے ۔اب تقریباً تمام اختیارات الیکشن کمیشن کو منتقل ہوچکے ہیں۔
الیکشن کمیشن کے اس جاری ہونے والے نوٹیفکیشن کے بعد گلگت بلتستان تمام دس اضلاع میں سیاسی سرگرمیاں شروع ہو جائیں گے اور جوڑ توڑ کا عمل تیز ہو جائے گا۔صوبائی حکومت اب کوئی بھی ترقیاتی سکیم نہیں دے سکے گی،وزیر اعلیٰ اور وزراء سرکاری ملازمین کی ٹرانسفر پوسٹنگ اور نئی بھرتیاں بھرتیاں بھی نہیں کرسکیں گے۔وزیر اعلیٰ اور وزراء صرف پروٹوکول اور مراعات سے لطف اٹھا سکتے ہیں ، اسمبلی کا اجلاس بلا سکتے ہیں البتہ کابینہ میں کوئی بھی قانون سازی نہیں کر سکیں گے۔گلگت بلتستان آڈر 2018کے تحت موجودہ صوبائی حکومت کے پانچ سال مکمل ہوگئے ہیں ۔
