تعلیم، صحت اور ریسکیو 1122 کے ترقیاتی منصوبوں پر ڈی سی گلگت کا اجلاس، ایمرجنسی بنیادوں پر تکمیل کی ہدایت

 ڈپٹی کمشنر / ڈسٹرکٹ مجسٹریٹ گلگت امیر اعظم حمزہ کی زیر صدارت محکمہ تعلیم، صحت اور ریسکیو 1122 کے ترقیاتی منصوبوں سے متعلق ایک اہم اجلاس منعقد ہوا۔ اجلاس میں ڈپٹی ڈائریکٹر ایجوکیشن، ڈسٹرکٹ ہیلتھ آفیسر (ڈی ایچ او)، ریسکیو 1122 کے انچارج اور دیگر متعلقہ افسران نے شرکت کی۔

اجلاس سے خطاب کرتے ہوئے ڈپٹی کمشنر گلگت نے کہا کہ ان محکموں کے منصوبوں میں کسی قسم کی کوتاہی برداشت نہیں کی جائے گی، اور تمام اسکیموں کو ترجیحی بنیادوں پر مکمل کیا جائے گا۔اجلاس میں ڈی ڈی ایجوکیشن، ڈی ایچ او اور ریسکیو 1122 کے افسران نے اپنے اپنے شعبوں کی زیر التوا ءاسکیموں پر تفصیلی بریفنگ دی۔ ڈپٹی کمشنر نے ہدایت جاری کرتے ہوئے کہا کہ زمین کی سائیڈ سلیکشن کے مسائل، ٹھیکیداروں کی ناقص کارکردگی اور دیگر رکاوٹوں کی مفصل فہرست فوری طور پر پیش کی جائے، تاکہ ٹھوس اقدامات کے ذریعے منصوبوں کی بروقت تکمیل یقینی بنائی جا سکے۔ انہوں نے ٹھیکیداروں کو طلب کر کے قانونی کارروائی کی ہدایت بھی جاری کی۔