وزیر اعلیٰ گلگت بلتستان حاجی گلبر خان نے سانحہ گیاری سیاچن کے 13 سال مکمل ہونے پر میڈیا کو جاری اپنے بیان میں کہا ہے کہ پوری قومی گیاری کے شہداءکو سلام پیش کرتی ہے۔ 7 اپریل 2012ءکو گیاری کے مقام پر برفانی تودہ گرنے کی وجہ سے 129 فوجی آفیسران اور جوانوں نے ملک کی دفاع کےلئے اپنے فرائض انجام دیتے ہوئے جام شہادت نوش کیا تھا۔ گیاری شہداءکی قربانی آج بھی ہمارے دلوں میں تازہ ہے۔ وزیر اعلیٰ نے کہاکہ پاک فوج کے شہداءہمارے اصل ہیروز ہیں۔ ملک کی دفاع اور سلامتی کےلئے افواج پاکستان کی قربانیوں پر پوری قوم سلام پیش کرتی ہے۔ آج کے دن گیاری سیکٹر کے شہداءکو خراج عقیدت پیش کرتے ہیں۔ ہم اپنے ان عظیم شہداءکی قربانی کو ہمیشہ یاد رکھیں گے۔
