وزیر اعلی گلگت بلتستان حاجی گلبر خان نے اسماعیلی کمیونٹی کے 49 روحانی پیشوا ہز ہائینس پرنس کریم آغاخان کی وفات پر اظہار تعزیت
وزیر اعلی گلگت بلتستان حاجی گلبر خان نے اسماعیلی کمیونٹی کے 49 روحانی پیشوا ہز ہائینس پرنس کریم آغاخان کی وفات پر انتہائی دکھ اور افسوس کا اظہار کرتے ہوئے پرنس کریم آغاخان کے غمزدہ خاندان، انکے پیروکار اور تمام اسماعیل کمیونٹی سے تعزیت اور دلی ہمدردی کا اظہار کیا ہے۔
وزیر اعلی نے دکھ کی گھڑی میں پرنس کریم آغاخان مرحوم کے غمزدہ خاندان اور انکے چاہنے والوں سے اپنے تعزیتی پیغام میں کہا ہے کہ پرنس کریم آغاخان کی فلاحی خدمات کو ہمیشہ یاد رکھا جائے گا۔انھوں نے اپنی زندگی انسانیت کی خدمت اور فلاح کے لیے وقف کر رکھی تھی۔ گلگت بلتستان میں صحت، تعلیم، انسانی اقدار کی بہتری کیلئے کی جانے والی خدمات پر ہم خراج تحسین پیش کرتے ہیں انکی خدمات ناقابل فراموش ہیں۔ وزیر اعلی مرحوم پرنس کریم آغاخان کی بلند درجات اور انکے خاندان سمیت ان کے مریدین کی صبر و جمیل کے لیے دعا کی ہے۔
