ڈائریکٹر جنرل (ڈی جی) گلگت بلتستان ڈیزاسٹر مینجمنٹ اتھارٹی (جی بی ڈی ایم اے) نے اے ڈی ڈویلپمنٹ، تکنیکی ٹیم اور ریونیو سٹاف کے ہمراہ ضلع نگر کے مختلف علاقوں بشمول ہوپر، ٹاکورکوٹ، شاہمان اور میناپن کا دورہ کیا۔ اس دورے کا مقصد چھوٹے پیمانے پر تخفیفِ خطرات کی سکیموں کا جائزہ لینا تھا۔دورے کے دوران اے ڈی ہنزہ/نگر نے ڈی جی جی بی ڈی ایم اے کو مجوزہ تخفیفِ خطرات کے منصوبوں پر بریفنگ دی۔ اس موقع پر ڈی جی نے ہدایت دی کہ جہاں منصوبے ناقابلِ عمل ہوں وہاں متبادل یا منتقل شدہ سکیموں پر رپورٹ تیار کر کے پیش کی جائے۔مزید برآں ڈی جی جی بی ڈی ایم اے نے ہنزہ میں گلاف (گلیشیائی جھیلوں کے پھٹنے سے پیدا ہونے والے سیلاب) سے بچاؤ کے حفاظتی اقدامات اور نگر میں جاری ہنگامی کاموں کا بھی معائنہ کیا تاکہ ان کی پیشرفت اور مؤثریت کا جائزہ لیا جا سکے۔
