رجنٹائن کے شہر سنتیاگو میں جاری پرو ہاکی لیگ کے چوتھے میچ میں پاکستان ہاکی ٹیم کو ایک بار پھر شکست سے دوچار ہونا پڑا ہے۔رپورٹس کے مطابق ارجنٹائن نے پاکستان کو ایک کے مقابلے میں پانچ گول سے شکست دے کر پاکستان کی ٹیم کو مسلسل چوتھی شکست کے صدمے سے دوچار کردیا۔رپورٹس کے مطابق پاکستان ٹیم پرو ہاکی لیگ میں اب تک کوئی فتح حاصل نہ کر سکی۔ پہلے میچ میں نیدرلینڈز نے پاکستان کو دو کے مقابلے میں پانچ گول سے شکست دیدی تھی۔
ارجنٹائن نے پاکستان کو دوسرے میچ میں تین ایک سے شکست دی تھی، جبکہ تیسرے میچ میں نیدرلینڈز نے گرین شرٹس کو سات تین سے زیر کردیا تھا۔پاکستانی ٹیم دفاع اور حکمتِ عملی کے حوالے سے چوتھے میچ میں بھی کمزور دکھائی دی اور ارجنٹائن نے کھیل پر مکمل گرفت رکھتے ہوئے پانچ ایک سے واضح برتری حاصل کی۔پاکستان ٹیم مینجمنٹ کی حکمتِ عملی پر مسلسل ناکامیوں کے بعد سوالات اٹھنے لگے ہیں۔
