پاکستان کی ویمن ٹیم کی کپتان اور فاسٹ بولر فاطمہ ثنا کا کہنا ہے کہ وکٹیں نہیں لیں تو والدہ نے کہا کہ شاداب خان کی طرح گگلی کرو۔
ویمن کرکٹر فاطمہ ثنا نے حال ہی میں نجی ٹی وی کے پروگرام میں شرکت کی اور اپنے کیریئر کے دوران پیش آئے دلچسپ واقعے سے متعلق اظہار خیال کیا۔
انہوں نے بتایا کہ میری پرفارمنس اچھی نہیں تھی وکٹیں نہیں مل رہی تھیں تو والدہ نے کہا کہ شاداب خان کو گگلی پر وکٹیں مل رہی ہیں تم بھی گگلی ہی کرو۔فاطمہ ثنا نے کہا کہ والدہ کو بتایا کہ میں فاسٹ بولر ہوں میں شاہین آفریدی اور حارث رؤف کی طرح ہوں، فاسٹ بولر بھاگ کر آتے ہیں پھر گیند کرتے ہیں اور شاداب خان کھڑے کھڑے بولنگ کرتے ہیں۔
واضح رہے کہ پاکستان کی ویمن ٹیم ان دنوں ورلڈ کپ کھیلنے کے لیے سری لنکا میں موجود ہے اور پہلے میں گرین شرٹس کو بنگلادیش سے شکست ہوئی۔قومی ویمن ٹیم میگا ایونٹ میں اپنا دوسرا میچ کل بھارت سے کھیلے گی جبکہ پاکستان ٹیم کا تربیتی سیشن کولمبو میں بارش کی وجہ سے منسوخ ہوگیا ۔کولمبو میں بارش کی وجہ سے آج آسٹریلیا اور سری لنکا کا میچ بھی منسوخ ہوگیا اور دونوں ٹیموں کو ایک، ایک پوائنٹ دیا گیا ہے۔
