گلگت پولیس نے چھموگرھ ناخوشگوار واقعہ پر جلال آباد کے 6افراد کو گرفتار کر لیا
گلگت پولیس نے 8محرم چھموگرھ ناخوشگوار واقعہ پر جلال آباد کے 6افراد کو گرفتار کر لیا۔ جمعرات کو پولیس کی بھاری نفری گرفتاریاں کرنے کیلئے جلال آباد میں داخل ہونا چاہتی تھی ،اطلاع ملنے پر اس گائوں کے لوگوں نے روڈ پر نکل کر گرفتاریوں کیخلاف بطور احتجاج روڈ کو بلاک کر دیا جس کے بعد پولیس نے اوشکھنداس کے مقام پر ناکا لگایا اور گلگت سے جلال آباد جانیوالے افراد کو شناختی کارڈ چیک کر کے گائوں کے 6بندے گرفتار کر لئے ۔قائد ملت جعفریہ آغا راحت حسین الحسینی نے کہا کہ ہم نے خود ہی بندے حکومت کے حوالے کرنے تھے لیکن انتظامیہ نے یکطرفہ کارروائی کرتے ہوئے ہمارے بندے پکڑے ہیں ،اب مزید گرفتاریوں کی صورت میں سارے گلگت بلتستان کو بند کر دیں گے ،ادھر اہلیان جلال آباد نے کہا ہے کہ پتھراو اور فائرنگ بھی ان پر کیا گیا ہے اور انصاف کے بجائے گرفتار بھی ان کو کیا جا رہا ہے انھوں نے کہا ہے مقامی انتظامیہ کوہستان کے دھشت گردوں کے آگے بلیک میل ہوئی ہے جھنہوں نے دھمکی دی ہے کہ اگر حکومت نے جلال آبادوں کو گرفتار نہیں کیا تو کوہستان کے ایک بندے کے بدلے میں جلال آباد کے دس بندوں کو قتل کریں گے ،گلگت بلتستان کے حالات ایک بار پھر بدترین مذہبی کشیدگی کی طرف جارہے ہیں ۔
