گلگت کی جانب سے آرمی پبلک سکول (اے پی ایس) جونیئر کیمپس جوٹیال گلگت میں ایک روزہ فائر ٹریننگ سیشن کامیابی کے ساتھ اختتام پذیر ہوگیا۔اس تربیتی سیشن کا بنیادی مقصد طلبہ و طالبات کو آگ لگنے کی صورت میں بروقت اور مؤثر رسپانس، محفوظ انخلاء اور ابتدائی حفاظتی اقدامات سے آگاہی فراہم کرنا تھا۔ریسکیو 1122 گلگت کے ماہر انسٹرکٹرز نے شرکاء کو جدید طریقۂ کار کے مطابق نظری اور عملی تربیت فراہم کی۔ٹریننگ میں عملی مظاہروں کے ذریعے آگ بجھانے کے طریقوں، ہنگامی صورتحال میں درست ردِعمل اور انسانی جانیں بچانے کی اہم مہارتیں سکھائی گئیں۔اس موقع پر منعقدہ تقریب میں ڈسٹرکٹ ایمرجنسی آفیسر ریسکیو 1122 گلگت، انجینئر طاہر شاہ نے خصوصی شرکت کی۔آرمی پبلک سکول (اے پی ایس) جونیئر کیمپس کے پرنسپل نے ڈسٹرکٹ ایمرجنسی آفیسر ریسکیو 1122 کو پروگرام میں خوش آمدید کہا۔انہوں نے تربیتی پروگرام کی اہمیت پر روشنی ڈالی اور ہنگامی حالات کے دوران محفوظ انخلاء کے طریقۂ کار سے شرکاء کو آگاہ کیا۔ انہوں نے طلبہ و طالبات کی دلچسپی، نظم و ضبط اور فعال شرکت کو سراہا اور امید ظاہر کی کہ یہ تربیت مستقبل میں قیمتی انسانی جانیں اور املاک کے تحفظ میں معاون ثابت ہوگی۔
