چین کے سفارتخانے نے قراقرم انٹرنیشنل یونیورسٹی کے طلباکے لیے سکالر شپ کی مد میں 40لاکھ روپے کی گرانٹ دے دی

پاکستان میں چین کے سفارتخانے نے قراقرم انٹرنیشنل یونیورسٹی کے طلباکے لیےسکالر شپ کی مد میں 0 4لاکھ روپے کی گرانٹ دے دی۔ شعبہ تعلقات عامہ کے آئی یو کے مطابق 4ملین روپے کاچیک پاکستان میں چین کے سفارتخانے کے ذہ داران نے ”ایمبیسیڈرل میرٹ کم نیڈ سکالرشپ’ ‘کے تحت جامعہ کے حوالہ کیا۔

جوقراقرم انٹرنیشنل یونیورسٹی کے لائق لیکن ضرورت مند طلبا ء کی اعلیٰ تعلیم کے لیے استعمال میں لایاجائے گا۔قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے اس تعاون پر پاکستان میں چین کے سفیر اور ان کی پوری ٹیم کا شکریہ ادا کرتے ہوئے کہاکہ اس سکالرشپ سے اعلیٰ تعلیم یافتہ اور ہنر مند طلباء پیدا ہونگے۔جو معاشرے کی مثبت ترقی میں کردار ادا کریں گے اور یہ تعاون طلبا،یونیورسٹی اور علاقے کے لیے انتہائی قابل قدر ہے گی۔