ے آئی یو میں ’’اسلامی بینکنگ: اصول، عمل اور مستقبل کی امید‘‘ کے زیرعنوان تقریب کا انعقاد
ابھرتی ہوئی مالیاتی شعبوں میں مہارت کو فروغ دینے کے لیے اہم قدم اٹھاتے ہوئے قراقرم انٹرنیشنل یونیورسٹی کے مینجمنٹ سائنسز ڈیپارٹمنٹ نے اسلامی بینکنگ اینڈ فنانس پر کامیاب تقریب کاانعقاد کیا۔ تقریب کا عنوان ’’اسلامی بینکنگ: اصول، عمل اور مستقبل کی امید‘‘تھا۔تقریب کا انعقاداسٹیٹ بینک آف پاکستان اور الصدیق شریعہ سلوشنز پرائیویٹ لمیٹڈ کے ساتھ اسٹریٹجک شراکت داری میں منعقد کیا گیا تھا۔جس کا مقصد کا بنیادی مقصد طلبہ کو اسلامی فنانس کے متحرک اور تیزی سے پھیلنے والے شعبے سے آگاہ کرنا اور اس میں موجود شاندار کیریئر کے مواقع کو نمایاں کرنا تھا۔یہ تقریب میں کلاس روم کی تعلیم کو عملی صنعت سے جوڑنے کا ایک مؤثر ذریعہ ثابت ہوا۔
جس نے شرکاء کو قومی اداروں کی اعلیٰ سطح کی آپریشنز کی جھلکیاں فراہم کیں۔تقریب میں الصدیق شریعہ سلوشنز کے چیف ایگزیکٹو آفیسر اور اسلامی فنانس کے ممتاز ماہر سید مظہر عباس زیدی نے کلیدی خطاب کیا اوراپنی خطاب میں اسلامی بینکنگ کے بنیادی اصولوں، اس کے آپریشنل طریقہ کار اور عالمی معاشی تبدیلیوں کے تناظر میں اس کی روشن مستقبل کی راہوں پر سیر حاصل گفتگو کی۔تقریب کے دوران انٹرایکٹو سوال و جواب کا سیشن بھی تھا۔جس میں کی آئی یو کے طلبہ نے براہ راست سوالات کیے۔یاد رہے کہ جامعہ قراقرم کے مینجمنٹ سائنسز ڈیپارٹمنٹ صنعت اور تعلیم کے درمیان مضبوط روابط کو فروغ دینے کے لیے کوشاں ہے۔ آنے والے وقتوں میں کے آئی یو کے مزید گریجویٹس قومی ترقی اور عالمی مالیاتی منظرنامے میں اہم شراکت داری کے لیے تیار ہوں گے۔یہ تقریب کے آئی یو کے اس مشن کا ایک اور سنگِ میل ہے۔
