جامعہ قراقرم اور آفاق پاکستان مشترکہ طور پر کنسپچول امتحان پر کیپیسٹی بلڈنگ ورکشاپ منعقد کریں گے

 قراقرم انٹرنیشنل یونیورسٹی اورآفاق پاکستان مشترکہ طور پر کنسپچول ایگزام سے متعلق کیپیسٹی بلڈنگ ورکشاپ منعقد کریں گے۔شعبہ تعلقات عامہ کے آئی یو کے مطابق اس حوالے سے آفاق پاکستان کے ٹریننگ اینڈ سروسز ڈائریکٹر امیر زیب اور گلگت بلتستان کے زونل مینیجرولایت خان نے وائس چانسلر کے آئی یو پروفیسر ڈاکٹر عطاء اللہ شاہ سے ملاقات کی۔ورکشاپ منعقد کرنے کا مقصدگلگت بلتستان اور دیگر علاقوں کے سرکاری اور نجی شعبے کے اداروں کی اساتذہ کو تصوراتی تشخیص کی جدید تکنیکوں پر تربیت دینا ہے۔ملاقات کے دوران وائس چانسلر کے آئی یو نے ڈاکٹر عطاء اللہ شاہ نے کہاکہ یہ ورکشاپ نہ صرف تکنیکی مہارتیں فراہم کرے گی بلکہ ایک تبدیلی کا عمل شروع کرے گی جو یقینی بنائے گی کہ تشخیص کے طریقے جدید تدریسی ضروریات کے مطابق ہوں۔