سپریم اپیلیٹ کورٹ گلگت بلتستان نے پروٹوکول افسر افضال احمد کو نوکری سے برخاست کر دیا

سپریم اپیلیٹ کورٹ گلگت بلتستان نے پروٹوکول آفیسر افضال احمد کو نوکری سے برخاست کر دیا گیا۔سپریم اپیلٹ کورٹ گلگت بلتستان نے بی پی ایس-18 میں تعینات پروٹوکول آفیسر افضال احمد کو بدعنوانی، نااہلی، اور ڈیوٹی سے مسلسل غیر حاضری جیسے سنگین الزامات کے تحت ملازمت سے برخاست کر دیا ہے۔تفصیلات کے مطابق، افضال احمد پر عائد الزامات کی وضاحت کے لیے متعدد بار طلب کیا گیا، تاہم وہ مسلسل غیر حاضر رہے اور تادیبی اتھارٹی کے سامنے پیش نہ ہوئے۔ یہ اس بات کی غمازی ہے کہ افضال احمد کے خلاف کے الزامات درست تھے۔ بعد ازاں چیف جسٹس (تادیبی اتھارٹی)سپریم اپیلٹ کورٹ گلگت بلتستان نے تمام قانونی تقاضے اور متعلقہ کارروائی مکمل کرنے کے بعد، سپریم اپیلٹ کورٹ اسٹیبلشمنٹ سروسز رولز 2022 کے تحت ان کی برطرفی کا باضابطہ حکم جاری کیا۔سپریم اپیلٹ کورٹ ادارہ جاتی نظم و ضبط، شفافیت اور احتساب پر مکمل یقین رکھتی ہے اور کسی بھی قسم کی بدعنوانی یا کوتاہی کو برداشت نہیں کیا جائے گا۔