چیف جج گلگت بلتستان جسٹس سردار محمد شمیم خان نے گلگت بلتستان کے احتساب کے لئے موجود فورم سپریم جوڈیشل کونسل گلگت بلتستان کو فعال کرنے کے احکامات جاری کرد یئے ہیں ۔ عوام اپنی شکایات سپریم جوڈیشل کونسل کے پتہ، ای میل، ویب سائٹ اور فیکس کے ذریعہ درج کرا سکتے ہیں۔
سپریم اپیلٹ کورٹ کے دفتر سے جاری ایک ایک پریس ریلیز کے مطابق سپریم جوڈیشل کونسل گلگت بلتستان اعلیٰ عدلیہ کے معزز ججز صاحبان کے احتساب کا فورم ہے اور یہ آئینِ پاکستان 2018 کے آرٹیکل 81 کے تحت تشکیل پایا ہے۔چیف جج نے واضح کیا کہ احتساب نہ صرف عدلیہ کے وقار میں اضافہ کا باعث ہے بلکہ عوام کے اعتماد کو بھی مزید بڑھاتا ہے۔ انہوں نے کہا کہ عوام کے لیے ضروری ہے کہ وہ اس فورم سے رابطہ کے طریقہ کار سے آگاہ رہیں۔
