چین کے انسٹیٹیوٹ آف ماؤنٹین ہیزڈز اینڈ انوائرمنٹ کے پروفیسر ڈاکٹر لیو کیاو کی سربراہی میں چینی محققین کے وفد نے قراقرم انٹرنیشنل یونیورسٹی کا دورہ کیا۔
شعبہ تعلقات عامہ کے آئی یو کے مطابق گلیشیئر اسٹڈیز کے وفدکا قائم مقام وائس چانسلر ڈاکٹر عبدالحمید نے استقبال کیا۔وفد کو گلیشیئر کے حوالہ سے جامعہ قراقرم کی جانب سے تحقیقی سرگرمیوں کے بارے میں بریفنگ دی گئی ،بعد ازاں وفد نے کے تھری سینٹر کا دورہ کیا ،دونوں اداروں کے حکام نے قراقرم کے پہاڑی گلیشیئرز پر تحقیق میں اضافہ پر اتفاق کیا، چینی وفد نے قراقرم انٹرنیشنل یونیورسٹی کی تحقیقی کوششوں بالخصوص کے تھری سینٹرکے کردار کی تعریف کی۔
