سر سبز گلگت بلتستان مہم کے تحت گلگت پریس کلب میں محکمہ زراعت کی جانب سے پھلدار درخت تقسیم
محکمہ زراعت گلگت کی جانب سے سرسبز گلگت بلتستان مہم کے سلسلے میں ایک خصوصی تقریب کا انعقاد کیا گیا جس میں یونین آف جرنلسٹ کی صدر کرن قاسم کی سربراہی میں صحافیوں میں مختلف اقسام کے پھلدار درخت تقسیم کیے گئے۔ اس موقع پر صحافیوں کو سیب، بادام، لیموں، اخروٹ اور خوبانی کے پودے دیے گئے تاکہ وہ نہ صرف ماحولیاتی تحفظ میں اپنا کردار ادا کریں بلکہ زراعت کے فروغ کے پیغام کو عام کریں۔تقریب سے گفتگو کرتے ہوئے صدر یونین آف جرنلسٹ کرن قاسم اور دیگر صحافیوں نے محکمہ زراعت کے اس اقدام کو سراہا۔ انہوں کہا کہ گلگت بلتستان کی خوبصورتی اور ماحول کو بچانے کے لیے شجرکاری وقت کی اہم ضرورت ہے۔ صحافیوں نے عوام سے اپیل کی کہ "ہر سرسبز گلگت بلتستان ” کے نعرے کو عملی جامہ پہناتے ہوئے ہر شہری کو چاہیے کہ وہ اپنی استطاعت کے مطابق زیادہ سے زیادہ درخت لگائے تاکہ آنے والی نسلوں کو ایک سرسبز اور صحت مند ماحول فراہم کیا جا سکے۔
