قراقرم انٹرنیشنل یونیورسٹی میں وائلڈ لائف فوٹوگرافی کی تربیتی ورکشاپ کا انعقاد
قراقرم انٹرنیشنل یونیورسٹی میں وائلڈ لائف فوٹوگرافی کی تربیتی ورکشاپ کا انعقاد کیا گیا۔ اس کا مقصد طلبہ و طالبات کو جنگلی حیات اور قدرتی مناظر کی پیشہ ورانہ انداز میں تصویر کشی کے حوالے سے عملی مہارتوں سے آراستہ کرنا تھا۔
یہ ورکشاپ ڈبلیو ڈبلیو ایف پاکستان اور میڈیا سوسائٹی قراقرم انٹرنیشنل یونیورسٹی کے اشتراک سے منعقد کی گئی جس میں معروف وائلڈ لائف فوٹوگرافر عاصم چیمہ نے بطور ٹرینر شرکت کی اورورکشاپ کے دوران طلبہ کو وائلڈ لائف فوٹوگرافی کے بنیادی اصولوں سے آگاہی فراہم کی جن میں کیمرہ سیٹنگز، کمپوزیشن کی تکنیکیں اور قدرتی ماحول میں مؤثر طریقے سے تصاویر کھینچنے کے طریقے شامل تھے۔شرکاء کو پیشہ ورانہ نگرانی میں عملی تربیت بھی فراہم کی گئی تاکہ وہ سیکھے گئے تصورات کو حقیقی وقت میں بروئے کار لا سکیں اور اپنی تخلیقی اور تکنیکی صلاحیتوں کو نکھار سکیں۔طلبہ و طالبات نے اس ورکشاپ میں بھرپور دلچسپی کا اظہار کیا اور اسے اپنی تعلیمی اور پیشہ ورانہ ترقی کے لیے انتہائی مفید قرار دیا۔
