ٹی 20 ورلڈ کپ 2026 کے 15ویں میچ میں ویسٹ انڈیز نے انگلینڈ کو 30 رنز سے شکست دے دی۔ممبئی کے وانکھیڑے اسٹیڈیم میں کھیلے گئے میچ میں ویسٹ انڈیز کی جانب سے دیے گئے 197 رنز کے تعاقب میں انگلینڈ کی ٹیم 19 اوورز میں 166 رنز پر آل آؤٹ ہوگئی۔سیم کرن کی 43 رنز کی اننگز رائیگاں گئی، جیکب بیتھل 33 اور فل سالٹ 30 رنز کے ساتھ نمایاں رہے۔
کپتان ہیری بروک 17 رنز بنا کر پویلین لوٹ گئے، جوز بٹلر 21 رنز بناسکے، ٹام بینٹن 2 اور جیمی اوورٹن 5 رنز بنا کر آؤٹ ہوئے۔ویسٹ انڈیز کی جانب سے گداکیش موتی نے تین کھلاڑیوں کو آؤٹ کیا، روسٹن چیز نے دو وکٹیں حاصل کیں۔ویسٹ انڈیز نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 196 رنز بنائے اور انگلینڈ کو جیت کے لیے 197 رنز کا ہدف دیا تھا۔شرفین ردرفورڈ نے 42 گیندوں پر 76 رنز کی کیریئر بیسٹ اننگز کھیلی، روسٹن چیز نے 34 اور جیسن ہولڈر نے 33 رنز بنائے۔انگلینڈ کی جانب سے عادل رشید اور جیمی اوورٹن نے دو، دو کھلاڑیوں کو آؤٹ کیا۔
