سابق گورنر ، سابق وزیر اعلیٰ سمیت گلگت بلتستان کے سیاسی رہنمائوں کی استحکام پاکستان پارٹی میں شمولیت
گلگت بلتستان کے سیاسی رہنمائوں نے استحکام پاکستان پارٹی میں شمولیت اختیار کرلی۔گلگت بلتستان کے سابق گورنر راجہ جلال، سابق وزیراعلی حاجی گلبرخان، سابق قائد حزب اختلاف کیپٹن(ر) شفیع،سابق وزرافاتح اللہ خان،حاجی شاہ بیگ،شمس اللہ حق،مولاناسلطان رئیس،سابق وزیردلشاد بانو نے استحکام پاکستان پارٹی میں شمولیت اختیار کی۔
صدراستحکام پاکستان پارٹی عبدالعلیم خان نیپارٹی میں شمولیت پرمفلرپہنائے، پارٹی میں شمولیت پر خیرمقدم کیا،اس موقع پر انکا کہنا تھا کہ گلگت بلتستان کی سیاست میں پہلی مرتبہ آئی پی پی شامل ہورہی ہے،استحکام پاکستان پارٹی گلگت بلتستان میں ترقی کیلئے بھرپور کام کریگی،آئی پی پی کا سب سے بڑا منشور ترقی،خوشحالی اورروزگارکی فراہمی ہے،مختلف جماعتوں کے ساتھ میرا رابطہ ہوا ہے،انشا اللہ جلد اسکی تفصیلات پیش کریں گے۔
عبدالعلیم خان نے مزید کہا کہ پوری پارٹی اپنے گلت بلتستان کے بھائیوں کے ساتھ کھڑی ہوگی،پورے پاکستان سے ہمارے لوگ گلگت بلتستان کی الیکشن مہم میں شریک ہوں گے،گلگت بلتستان کے پاس اتنے ذرائع ہیں کہ وہ وفاق کی مدد کرسکے، گلگت بلتستان سے اربوں ڈالرصرف سیاحت سے آسکتے ہیں، ہم ٹول پلازوں سے اربوں روپے کما سکتے ہیں۔
