گلگت ،ایڈیشنل ایس پی غلام رسول کی زیرِ صدارت ہفتہ وار اردلی روم، پولیس اہلکاروں کے مسائل سنے گئے
ڈسٹرکٹ پولیس آفیسر گلگت اسحاق حسین (PSP) کی خصوصی ہدایات پر ایڈیشنل ایس پی ڈسٹرکٹ پولیس گلگت غلام رسول (PSP) کی زیرِ صدارت ہفتہ وار اردلی روم کا انعقاد کیا گیا۔اردلی روم میں ضلع گلگت کے مختلف تھانوں، سارگن لائن، ٹریفک برانچ اور ڈی پی ایل سے تعلق رکھنے والے پولیس افسران و اہلکاروں نے شرکت کی اور اپنے درپیش مسائل و امور ایڈیشنل ایس پی کے سامنے پیش کیے۔اس موقع پر ایڈیشنل ایس پی غلام رسول (PSP) نے پولیس اہلکاروں سے خطاب کرتے ہوئے کہا کہ پولیس فورس کی فلاح و بہبود اور اہلکاروں کے مسائل کا بروقت اور منصفانہ حل ضلعی پولیس کی اولین ترجیحات میں شامل ہے۔ انہوں نے کہا کہ اہلکاروں کی عزتِ نفس اور بنیادی سہولیات کی فراہمی سے ہی ایک مضبوط، منظم اور مؤثر پولیس فورس تشکیل دی جا سکتی ہے۔ایڈیشنل ایس پی نے مزید کہا کہ عوامی خدمت پولیس فورس کا اصل نصب العین ہے، اور اس مقصد کے حصول کے لیے تمام افسران و اہلکار اپنی ذمہ داریاں دیانت داری، پیشہ ورانہ صلاحیت اور بھرپور لگن کے ساتھ ادا کریں۔\378
