وزیراعظم نے اسلام آباد کیپٹل ٹیریٹری ، آزاد کشمیر و گلگت بلتستان کیلئے صحت سہولت پروگرام مالی سال 2027ء تک بحال کرنے کی منظوری دیدی

وزیراعظم نے اسلام آباد کیپٹل ٹیریٹری ، آزاد جموں و کشمیر اور گلگت بلتستان کیلئے صحت سہولت پروگرام کو مالی سال 2027ء تک بحال کرنے کی منظوری دے دی جس سے وفاقی حکومت کے یونیورسل ہیلتھ کوریج کے عزم کی توثیق ہوتی ہے۔

ذرائع کے مطابق توسیع کے تحت مستحق خاندانوں کو سرکاری و نجی نامزد ہسپتالوں میں بغیر معاوضہ علاج کی سہولت فراہم کی جاتی رہے گی، جس سے بالخصوص گلگت بلتستان کے عوام مستفید ہوں گے، جہاں جغرافیائی دشواریوں اور محدود طبی سہولیات کے باعث خصوصی علاج تک رسائی ایک بڑا چیلنج ہے۔یہ اقدام صوبائی ہیلتھ انڈومنٹ فنڈ پر پڑنے والے مالی دبا کو کم کرنے میں بھی معاون ثابت ہوگا، جبکہ صحت سہولت پروگرام کے متوازی آپریشنز کے ذریعے عوام کو بلا تعطل صحت کی سہولیات کی فراہمی یقینی بنائی جائے گی ۔