استور ہنزہ کے بالائی علاقوں میں برف باری کے باعث گلگت میں خشک سردی کی شدت میں اضافہ ہو گیا، مالم جبہ میں سورج نے کرنیں بکھیریں تو سیاحوں کا رش لگ گیا۔میڈیا رپورٹ کے مطابق بالائی سرحدی علاقے منی مرگ، قمری۔ اور شنکرگڑہ کی وادیوں میں 2 فٹ برف پڑ چکی ہے، بالائی علاقوں رٹو، ناصرآباد اور پریشنگ کی وادیوں میں برف باری کا سلسلہ وقفے وقفے سے جاری رہا ۔تحصیل یاسین، پھنڈر، خنجراب میں بھی برف باری ہو تی رہی، برف باری سے استور کے بالائی علاقوں کی رابطہ سڑکیں بند ہوگئیں، برف باری سے بالائی سرحدی علاقوں میں لوگ محصور ہوگئے۔میڈیارپورٹ کے مطابق نلتر میں گزشتہ دنوں سے جاری برف باری کی وجہ سے معاملات زندگی مفلوج ہو کر رہ گئے ہیں، دو توز میں 9 انچ برف پڑ چکی ہے، برف باری سے لطف اندوز ہونے کے لئے سیاحوں کا رش لگ گیا ہے۔
