نیوزی لینڈ کے آل راؤنڈر ڈاوگ بریسویل نے کرکٹ کے تمام فارمیٹس سے ریٹائرمنٹ کا اعلان کر دیا۔
نیوزی لینڈ کے آل راؤنڈر ڈاوگ بریسویل نے کرکٹ کے تمام فارمیٹس سے ریٹائرمنٹ کا اعلان کر دیا ہے، جس سے ایک دہائی طویل کیریئر کا اختتام ہو گیا۔
35 سالہ کھلاڑی نے آخری بار بلیک کیپس کی نمائندگی 2023 میں ایک ٹیسٹ میچ میں کی تھی، اور مسلسل پسلی کی انجری کی وجہ سے انہیں اس سیزن میں سینٹرل ڈسٹرکٹس کے لیے ڈومیسٹک کرکٹ سے باہر رکھا گیا تھا جس کے بعد انہوں نے ریٹائرمنٹ کا فیصلہ کیا۔
بریسویل نے نیوزی لینڈ کے لیے 69 انٹرنیشنل میچز کھیلے، جن میں 28 ٹیسٹ، 21 ون ڈے اور 20 ٹی ٹوئنٹی انٹرنیشنل شامل ہیں، جو 2011 سے 2023 تک کے درمیان کے ہیں۔ان کا سب سے یادگار لمحہ صرف تیسرے ٹیسٹ میں آیا، جب 2011 کے ہوبارٹ ٹیسٹ میں آسٹریلیا کے خلاف میچ فگرز 9/60 لے کر نیوزی لینڈ کو مشہور زمانہ 7 رنز سے فتح دلائی۔ یہ جیت آسٹریلیا میں 26 سال بعد نیوزی لینڈ کی ٹیسٹ فتح تھی اور اب تک آسٹریلوی سرزمین پر نیوزی لینڈ کی آخری ٹیسٹ فتح ہے۔
