دبئی: آسٹریلیا کے نک کرگیوس نے اسٹریٹ سیٹس میں چھ تین، چھ تین سے ارینا سبالینکا کو شکست دے دی۔رپورٹس کے مطابق ٹینس کی دنیا میں مرد اور خاتون کا انوکھا مقابلہ دبئی میں منعقد کیا گیا، ٹینس کا یہ نمائشی میچ پوری دنیا کی توجہ کا مہور رہا۔
واضح رہے کہ ورلڈ نمبر 13 آسٹریلوی کھلاڑی نک کرگیوس نے ستمبر میں سبالینکا کو چیلنج دیا تھا۔ ایک انٹرویو اُن کا کہنا تھا کہ سبالینکا کو شکست دینے میں انہیں اپنا سو فیصد دینے کی ضرورت بھی پیش نہیں آئے گی۔رپورٹس کے مطابق کرگیوس نے یہ دعوی بھی کیا تھا کہ خواتین مردوں کی تیز سروسز کا مقابلہ نہیں کرسکتیں۔
ارینا سبالینکا نے حریف کو جواب دیتے ہوئے کہا تھا کہ وہ کرگیوس کے چیلنج کو قبول کرنے کیلئے تیار ہیں، اس مقابلے کیلئے پوری دنیا کی ویمن ایتھلیٹس کی نمائندگی کرنا ان کیلئے باعث فخر ہوگا، وہ کیریئر کی بہترین ٹینس کرگیوس کے خلاف ہی کھیلیں گی۔
