انگلینڈ کرکٹ ٹیم کے فاسٹ بولر گس ایٹکنسن بائیں ہیم اسٹرنگ کی انجری کی وجہ سے آخری ٹیسٹ سے باہر ہو گئے ہیں۔انگلینڈ اینڈ ویلز کرکٹ بورڈ (ای سی بی) کے مطابق ایٹکنسن کو یہ انجری میلبرن میں چوتھے ٹیسٹ کی آسٹریلیا کی دوسری اننگز کے دوران ہوئی، جہاں وہ اپنا پانچواں اوور مکمل کرنے کے بعد میدان سے باہر چلے گئے تھے۔
یاد رہے کہ انگلینڈ نے ایم سی جی میں چوتھے ایشیز ٹیسٹ کو چار وکٹوں سے جیت کر آسٹریلیا میں 15 سال بعد پہلی ٹیسٹ کامیابی حاصل کی تھی۔ای سی بی نے اعلان کیا ہے کہ پانچویں ٹیسٹ کے لیے ایٹکنسن کا کوئی متبادل نہیں بلایا جائے گا, سیریز کا آخری اور فیصلہ کن ٹیسٹ 4 جنوری سے سڈنی کرکٹ گراؤنڈ پر کھیلا جائے گا۔پانچ میچوں کی سیریز میں آسٹریلیا کو 3-1 کی برتری حاصل ہے۔ ایٹکنسن سے قبل مارک ووڈ اور جوفرا آرچر بھی انجری کا شکار ہو کر سیریز سے باہر ہو چکے ہیں۔
