جی بی ہریکین فٹ بال اکیڈمی مینجمنٹ کی زیرِ نگرانی گلگت بلتستان انڈر 16 فٹ بال ٹورنامنٹ کا کامیاب انعقاد کیا گیا جس میں مختلف علاقوں سے 32 ٹیموں نے بھرپور شرکت کی۔ فائنل میچ جی بی ہریکین اور امپھری 11 اسٹار کے درمیان کھیلا گیا جس میں جی بی ہریکین نے بہترین کھیل کا مظاہرہ کرتے ہوئے 6 گول سے کامیابی اپنے نام کی۔تقریب کے مہمانِ خصوصی ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد تھے، جنہوں نے کھلاڑیوں سے ملاقات کی اور جیتنے والی ٹیم سمیت تمام شرکاء کی کارکردگی کو سراہا۔اس موقع پر خطاب کرتے ہوئے ڈپٹی کمشنر گلگت نے کہا کہ نوجوانوں کو مثبت اور صحت مندانہ سرگرمیوں کی طرف راغب کرنا ضلعی انتظامیہ کی ترجیحات میں شامل ہے۔
کھیل نہ صرف نوجوان نسل کو منفی سرگرمیوں سے دور رکھتے ہیں بلکہ معاشرے میں امن و امان کے فروغ کا ذریعہ بھی بنتے ہیں۔ہمارے نوجوان بے پناہ ٹیلنٹ کے حامل ہیں، جنہیں سامنے لا کر قومی سطح پر آگے بڑھنے کے مواقع فراہم کرنا ضروری ہے۔ڈپٹی کمشنر نے جی بی ہریکین فٹ بال اکیڈمی کی خدمات کو بھی سراہا اور علاقے میں کھیلوں کے فروغ کے لیے ہر ممکن تعاون کی یقین دہانی کرائی۔ انہوں نے کہا کہ اس طرح کے صحت مندانہ مقابلے نوجوانوں کو آگے بڑھنے، ٹیم اسپرٹ کو پروان چڑھانے اور مثبت طرزِ فکر کو فروغ دینے میں اہم کردار ادا کرتے ہیں
