قدرتی آفات سے نمٹنے کیلئے گلگت بلتستان ڈیزاسٹر مینجمنٹ کو فعال بنانا انتہائی ضروری ہے، حاجی گلبر خان

وزیر اعلی گلگت بلتستان حاجی گلبر خان نے کہا ہے کہ قدرتی آفات سے نمٹنے کیلئے گلگت بلتستان ڈیزاسٹر مینجمنٹ کو فعال بنانا انتہائی ضروری ہے۔ وفاقی وزیر خزانہ سے ملاقات میں گفتگو کرتے ہوئے وزیر اعلی نے کہا کہ ادارے کی استعداد کار بہتر بنانے کیلئے 143نئی آسامیوں کی تخلیق فوری طور پر درکار ہے جس کیلئے صوبائی حکومت نے وفاقی وزارت خزانہ کو سفارش کی ہے۔وزیر اعلی نے دیگر صوبوں کی طرز پر گلگت بلتستان کے اہم محکموں کے سکریٹری کی پوسٹ کو گریڈ 21 کرنے کی ضرورت ہے اس سلسلے میں 6 گریڈ 21 کی اسامیوں کی تخلیق درکار ہے۔ صوبائی سکریٹریز کے گریڈ 21کی اسامیوں سے آفسران کو آگے بڑھنے کے موقع میسر آئینگے اور گورننس میں بھی بہتری آئیگی۔ وفاقی وزیر خزانہ نے جی بی ڈی ایم اے اور صوبائی سکرٹریز کیلئے گریڈ 21 کے 6 نئے اسامیوں کی تخلیق جلد کرنے کی یقین دہانی کرائی صوبائی سکریٹریز کیلئے گریڈ 21کی اسامیوں کی تخلیق کیلئے صوبائی حکومت کیس بھیجے ۔