وزیر اعلیٰ گلگت بلتستان حاجی گلبر خان نے چیئرمین فیڈرل پبلک سروس کمیشن لیفٹیننٹ جنرل (ر) اختر نواز ستی سے ملاقات کی۔
اس موقع پر وزیر اعلیٰ نے کہا کہ گلگت بلتستان میں 1454 مختلف آسامیوں پر بھرتیوں کے عمل کو تیز کیا جائے ، انہوں نے کہاکہ صحت، تعلیم سمیت اہم شعبوں میں میرٹ پر اہل نوجوانوں کی بھرتیوں کیلئے ایف پی ایس سی کو صوبائی حکومت کی جانب سے مراسلہ بھجوایا گیا ہے تاکہ گلگت بلتستان میں آسامیوں کو جلد مشتہر کیا جائے اور میرٹ پر اہل لوگوں کی بھرتیاں جلد عمل میں لائی جائیں۔چیئرمین فیڈرل پبلک سروس کمیشن لیفٹیننٹ جنرل (ر) اختر نواز ستی نے گفتگو کرتے ہوئے کہاکہ ایک صوبے کے وزیر اعلیٰ کا خود ایف پی ایس سی آنا علاقہ سے محبت اور اس اہم مسئلہ کی نشاندہی کرتا ہے۔ گلگت بلتستان کی آسامیوں پر جلد بھرتیوں عمل میں لانا ہماری ترجیح ہے۔
