ے آئی یو میں پاکستانی مصنوعات کی برآمد کے لیے ڈی ہائیڈریشن ٹیکنالوجی کے عنوان پر لیکچرکاا نعقاد،طلبہ وطالبات کی بھرپور شرکت
قراقرم انٹرنیشنل یونیورسٹی میں مقامی منڈی سے عالمی منڈی تک پاکستان منصوعات کی برآمد کے لیے ڈی ہائیڈریشن ٹیکنالوجی کے عنوان پر لیکچر کا انعقاد کیاگیا۔شعبہ تعلقات عامہ کے آئی یو کے مطابق لیکچر میں معروف کاروباری شخصیت اور پاکستانی مصنوعات کی برآمد میں مہارت رکھنے والی کئی کمپنیوں کے بانی عامر ملک نے خصوصی شرکت کی اورمتعلقہ موضوع پر معلوماتی لیکچر دیا۔لیکچر میں یونیورسٹی کے سینئرانتظامی وتدریسی افسران،فیکلٹی ممبران سمیت طلبہ وطالبات کی کثیر تعداد نے شرکت کی۔اپنے لیکچر میں معروف کاروباری شخصیت عامر ملک نے ڈی ہائیڈریشن ٹیکنالوجی کے ذریعے مقامی پھلوں اور سبزیوں وغیرہ کو مقامی سطح سے عالمی سطح تک پہنچانے اور کامیاب کاروبارشروع کرنے کے مختلف پہلوؤں پر تفصیل سے روشنی ڈالی اور اپنے کامیا ب کاروباری سفر کے تجربات شیئر کیئےجن کے ذریعے انہوں نے پاکستان کے زرعی ورثے کو عالمی سطح پرمتعارف کرایا۔
انہوں نے طلبا کوخطے میں وافر مقدار میں پائے جانے والے سیب، خوبانی اور چیری جیسے مقامی پھلوں اور سبزیوں کی برآمد کے لیے ڈی ہائیڈریشن ٹیکنالوجی کے امکانات پر زور دیا۔ انہوں نے کہاڈی ہائیڈریشن ٹیکنالوجی نہ صرف ان مصنوعات کی شیلف لائف بڑھاتی ہے بلکہ ان کی غذائیت کو بھی برقرار رکھتی ہے جو انہیں عالمی منڈیوں کے لیے انتہائی پرکشش بناتی ہے۔اس سے قبل شعبہ کیمسٹری کے ہیڈ ڈاکٹر افتخار علی نے لیکچر کی اہمیت کو سراہا اور کہا کہ اس نے طلباء کوتعلیم کے ساتھ ساتھ انٹرپنورشپ سے متعلق وسیع معلومات حاصل ہوئیں۔ انہوں نے کہاکہ اس لیکچر سے طلباء کو یہ سوچنے کی ترغیب ملی ہے کہ سائنس اور ٹیکنالوجی ہمارے خطے میں معاشی ترقی میں کس طرح کردار ادا کرسکتی ہے۔تقریب کے اختتام پر ڈائریکٹر آفس آف انوؤ یشن اینڈ کمر شلائزیشن پروفیسر ڈاکٹر محمد اسماعیل، قائم مقام ٹریژرار کے آئی یو نعمان بٹ،ڈائریکٹر اکیڈمک ڈاکٹر سجاد علی و دیگر نے دی ہائیڈریشن ٹیکنالوجی کے ماہر عامر ملک کو گلگت بلتستان کی روایتی ٹوپی اور شیلڈ پیش کی۔یاد رہے کہ لیکچر کاانعقاد کے آئی یو کے شعبہ کیمسٹری نے کیا تھا۔
