ڈائریکٹر جنرل گلگت بلتستان ڈیزاسٹر مینجمنٹ اتھارٹی کا دورہ، منصوبوں کی بروقت تکمیل کی ہدایت

 ڈائریکٹر جنرل گلگت بلتستان ڈیزاسٹر مینجمنٹ اتھارٹی ذاکر حسین نے اپنے ماتحت عملے کے ہمراہ گلت، گبشتہ، پھنڈر اور خدا آباد کے مختلف ترقیاتی اور بحالی منصوبوں کا دورہ کیا۔

اس موقع پر انہوں نے جاری کاموں کا تفصیلی جائزہ لیا اور منصوبوں کی بروقت اور معیاری تکمیل کو یقینی بنانے کی ہدایات جاری کیں۔دورے کے دوران تکنیکی عملے اور دیگر متعلقہ اداروں کے حکام بھی موجود تھے۔ ڈی جی ذاکر حسین نے ترقیاتی اور بحالی کاموں میں مزید بہتری لانے اور عوامی سہولت کے لیے اعلیٰ معیار کو برقرار رکھنے پر زور دیا۔