گلگت بلتستان نیوز پیپرز سوسائٹی (جی بی این ایس) کے صدر ارشد ولی کی زیر صدارت ایک اہم اجلاس منعقد ہوا جس میں تمام ممبران نے نومنتخب صدر اور اراکین پر مکمل اعتماد کا اظہار کیا۔ اجلاس میں باہمی مشاورت اور اتفاق رائے سے کیے جانے والے فیصلوں پر من و عن عمل کرنے کا عہد کیا گیا۔
اجلاس کے دوران مقامی اخباری صنعت کو درپیش مسائل اور مشکلات کے خاتمے کے لیے مشترکہ جدوجہد کرنے کا فیصلہ کیا گیا۔
شرکاء نے عزم ظاہر کیا کہ اس مقصد کے حصول کے لیے ہر قسم کی قربانی دی جائے گی۔صدر جی بی این ایس ارشد ولی نے خطاب کرتے ہوئے کہا کہ مقامی اخباری صنعت کی ترقی اور مسائل کے حل کے لیے ہم جدوجہد جاری رکھیں گے۔ انہوں نے اس بات پر زور دیا کہ باہمی مشاورت اور اتفاق سے تمام مسائل کا حل ممکن ہے۔
