گلگت بلتستان ہائوس اسلام آباد میں اراضی ریکارڈ کو ڈیجیٹائز ،کمپیوٹرائز ڈکرنے کے معاہدے پر دستخط کی تقریب کا انعقاد

گلگت بلتستان ہائوس اسلام آباد میں اراضی کے ریکارڈ کو ڈیجیٹائز اور کمپیوٹرائزڈ کرنے کے معاہدے پر دستخط کی اہم تقریب منعقد ہوئی۔

اس موقع پر معزز شخصیات نے شرکت کی، جن میں چیئرمین اور ڈائریکٹر جنرل پنجاب لینڈ ریکارڈ اتھارٹی، چیف سیکرٹری گلگت بلتستان، اور سینئر ممبر بورڈ آف ریونیو (ایس ایم بی آر)اور پرونشل کوآرڈنیٹر E T I شامل تھے۔

یہ منصوبہ خطے میں اراضی کے انتظامات کو جدید خطوط پر استوار کرنے کی جانب ایک اہم پیش رفت ہے۔ اس اقدام سے شفافیت، کارکردگی، اور ریکارڈ تک رسائی کو بہتر بنایا جائے گا، جس سے مقامی عوام اور دیگر اسٹیک ہولڈرز کو فائدہ پہنچے گا۔ یہ اشتراک جدید ٹیکنالوجی کو حکومتی نظام میں شامل کرنے کے عزم کی عکاسی کرتا ہے، جو کہ محفوظ اور موثر اراضی کے انتظام کو یقینی بنائے گا۔