ورلڈ چیمپئن آسٹریلیا کو ہرانے پر ملکی وغیر ملکی سابق کرکٹرز کا پاکستان ٹیم کو شاندار الفاظ میں خراج تحسین

ون ڈے ورلڈ چیمپئن آسٹریلیا کو اسی کی سر زمین پر ون ڈے سیریز ہرانے پر ملکی اور غیر ملکی کرکٹرز نے پاکستان کو شاندار الفاظ میں خراج تحسین پیش کیا ہے۔

پاکستان کرکٹ ٹیم کے سابق کپتان وسیم اکرم نے کہا ہے کہ آسٹریلیا کو ان کے ہوم گراؤنڈ پر ہرانا بڑی کامیابی ہے۔ میرے لیے فخر کی بات ہے کہ میں نے یہ مناظر کمنٹری باکس سے براہ راست دیکھے۔ یہ جیت ٹیم کو بہت زیادہ اعتماد دے گی۔

سابق کپتان شاہد آفریدی نے بھی پاکستان ٹیم 22 سال بعد آسٹریلیا میں ون ڈے سیریز جیتنے پر پوری ٹیم اور قوم کو جیت پر مبارک باد دی ہے۔