قومی کرکٹر فخر زمان نے دوران ٹریننگ لی گئی اپنی تصاویر سوشل میڈیا پر شیئر کردیں۔
پاکستان کے جارح مزاج بلے باز فخر کی فٹنس اور ری ہیب کے حوالے سے متضاد خبریں سامنے آرہی تھیں۔
قومی کرکٹر فخر زمان 2 ہفتوں سے نیشنل کرکٹ اکیڈمی میں ٹریننگ میں مصروف ہیں، وہ اپنی فٹنس کو بہتر بنانے کے لیے محنت کررہے ہیں۔
فخر نے سماجی رابطے کی ویب سائٹ ایکس پر شیئر کی گئی پوسٹ میں لکھا ہے کہ حد سے آگے بڑھنے کے لیے رکاوٹوں کو توڑنا ہے۔
یاد رہے کہ انگلینڈ کے خلاف ٹیسٹ سیریز میں بابر اعظم کو باہر کرنے کے بعد فخر نے ان کی حمایت میں ٹوئٹ کیا تھا جس کے بعد انہیں ناصرف آسٹریلیا کے دورے سے باہر کیا گیا بلکہ وہ سینٹرل کنٹریکٹ سے بھی محروم ہوگئے تھے۔
چیئرمین پی سی بی محسن نقوی نے بھی پریس کانفرنس میں تصدیق کی تھی کہ فخر کی فٹنس اور ان کا ٹوئٹ بھی مشکلات کا باعث بنا ہے۔
ذرائع کے مطابق کرکٹر نے شوکاز کے جواب میں اپنا مؤقف واضح انداز میں پیش کیا ہے۔
پاکستان کرکٹ بورڈ پی سی بی کی جانب سے معاملے کو منطقی حل دینے کے اشارے ملے ہیں۔ اگلے چند دنوں میں فخر کے ایشو پر پیش رفت کا امکان ہے۔
